Татарстанда хәрби вакытта эшли торган комиссия барлыкка киләчәк

Аның төп бурычы – предприятиеләрнең мобилизация чорында, хәрби хәлдә һәм хәрби вакытта тотрыклы эшләвенә ярдәм итү.

Яңа структура республикада 2017 елдан бирле гамәлдә булган шундый ук комиссияне алыштырачак. Әгәр элеккеге комиссиядә  хәрби  вакытта һәм гадәттән тыш хәлләрдә икътисадның тотрыклылыгына басым ясалса, яңартылган «гадәттән тыш хәл» фразасы тулысынча юкка чыгарыла. Хәзерге вакытта карар проекты Коррупциягә каршы экспертиза уза.

Комиссия чаралар комплексы өчен җавап бирергә планлаштыра. Аның төп бурычлары — производстволарның иминлеген арттыру, куркыныч янаганда мөһим объектларны тиз арада маскировкалауны оештыру, су һәм энергия белән тәэмин итү системаларын яклау, торгызу эшләрен планлаштыру, чимал һәм продуктлар запасларын, шулай ук мөһим документларның күчермәләре фондын булдыру.

Комиссия Татарстан тормышының барлык төп тармаклары эшен координацияли башлаячак, алар арасында:

 Сәнәгать һәм энергетика (ТЭК);
 торак-коммуналь хуҗалык (ТКХ);
 транспорт системасы;
 авыл хуҗалыгы;
 сәламәтлек саклау, мәгариф һәм фән;
 социаль өлкә;
 дәүләт идарәсе системалары, элемтә һәм халыкка хәбәр итү системалары.

inkazan.ru