Түбән Чыршылыдан Камалтдиновлар гаиләсе шәҗәрә фестивалендә призлы урын яулады

Бу бәйгедә муниципаль этапта җиңү яулаган Түбән Чыршылыдан Камалтдиновлар гаиләсе катнашты, дип хәбәр итәләр мәктәптән.

Әлеге  гаилә -  мәктәбебезнең үрнәк, музыкаль гаиләсе санала. Алар бу юлы да сынатмады. Сайфиева Талига җитәкчелегендә, ныклы әзерлек белән, 3 дәрәҗә дипломга лаек булды.

Алар үзләренең гаилә традицияләре, гореф-гадәтләре, өлкән буыннан калган мирасны саклаучы, дәвам итүче икәнлекләрен олы хөрмәт белән тамашачыга, жюрига җиткерделәр.

Камалтдинова Альбина, бу гаиләгә килгән өченче килен буларак, үзенең аш-су остасы, уңган кызларның әниләре, гаилә кыйммәтләрен түкми-чәчми саклаучы икәнен дә бик оста  итеп күрсәтте. Бердәм эш  уңышлы була!

Афәрин. Гаиләгә ярдәм иткән укытучыларга, укучыларга бик зур рәхмәт. Шундый янып йөргән, үрнәк гаилә булганга, без бик шат, дип хәбәр итәләр Түбән Чыршылыдан.

фотолар: авыл җирлегеннән