Зәй-Каратай мөселманнары Кичүчатта Ризаэддин Фәхреддин музеенда булдылар
Әлмәт районы Кичүчат авылында күренекле татар мәгърифәтчесе, педагог Ризаэддин Фәхреддиннең музее эшләп килә.
Зәй-Каратай авылының мәчеткә йөрүче апалар - мөслимәләр, шулай ук мәчеткә йөрүче абыйлар һәм авыл мулласы Илдус хәзрәт - барысы 20 дән артык кеше Кичүчат авылына Ризаэддин Фахреддин музеена экскурсиягә барганнар.
Бөек галимебезнең тормыш юлы, эшчәнлеге белән танышканнар. Музей хезмәткәре Диләрә Гимранова галимнең китаплары белән таныштырды.
Зәй-Каратайлыларга экскурсия бик ошаган, үзләренә файдалы мәгълүмат алганнар. Р.Фәхреддин шәҗәрәсендә Лениногорск районына кагылышлы мәгълүматлар да белгәннәр. Зәй -Каратай халкы оештыручыларга, алып баручыларга, музей хезмәткәрләренә зур рәхмәтләрен белдерделәр.
фотолар: мөхтәсибәт телеграм каналыннан (https://web.telegram.org/a/#-1001536886807)
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев