Зеленая Роща китапханәсенә Балалар һәм яшүсмерләр китабы атналыгы кысаларында шагыйрә Илсөяр Салахованы кунакка чакырганнар

Зеленая Роща китапханәсенә Балалар һәм яшүсмерләр атналыгында язучылар һәм шагыйрьләр белән очрашу традициягә керде дип хәбәр итә китапханәче Әлфия Хафизова. 

Илсөяр ханым белән очрашуда югары сыйныф укучылары катнашкан. Укучылар татар теле укытучысы Зилия Хәмзина белән бергә  килгәннәр. .Шагыйрә кунакларга тормыш юлы турында сөйләгән, яңа шигырьләрен укыган. Шулай ук  укучыларның сорауларына җавап биргән.

Илсөяр Салахаова бүгенге көндә Зеленая Рощада яши, Яңа Иштирәктә туган. Ул  тормышка гашыйк, һәрчак елмаеп, балкып тора, бернәрсәгә дә битараф түгел, башкаларның хәленә кереп, ярдәм кулы сузарга әзер кешелекле ханым. Ул – туган як, табигать һәм матурлык  җырчысы.

“Кечкенәдән үк рәсем ясарга яраттым. Табигать күренешләрен ясый идем. Хәзер шигырь язганда да табигать матурлыгыннан илһам алып, шигъри әсәрләрне язып куям”, - ди.

Шагыйрә – Ш.Бикчурин исемендәге “Чишмә” берләшмәсе әгъзасы, “Яшьлегем эзләре” китабы авторы.
 

фотолар: Зленая Роща китапханәсеннән