Сабантуйда тавыштан курыккан әтәч Мирзаяновларның музыкасын өзгән
Сабантуйда татар артистлары Зөлфирә белән Алмаз Мирзаяновларның чыгышлары вакытында кызыклы һәм көтелмәгән хәл булган.
Татарстанның Кукмара районы Әсән-Елга авылындагы бәйрәмдә тавышлардан курыккан әтәч проводларны өзеп, музыканы сүндергән.
Артистларны көтелмәгән тынлык борчымаган — алар музыкасыз, аннары баян аккомпанементы астында җырлауларын дәвам иткән.
Үзенең социаль челтәрләрендә Зөлфирә Мирзаянова: «Чыгыш ясаганда әтәчнең аранжировканы туктату ихтималы бик аз, ләкин нульгә тигез түгел», – дип язган.
Комментарийларда артистлар иҗатын яратучылар бу плюс кына булды, дип язалар, чөнки кешеләр артистларның фонограммасыз чыгыш ясавын аңлаганнар.
фото: Татар-информ
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев