Татар җырчылары Сабан туенда ничә сумга җырларга җыена?

Блогер Олеся Лесная татар эстрадасы артистларының Сабан туйларында ничә сумга җырлавын белешкән.

Вадим Захаров белән сөйләшүеннән өзек:

– Бер 100 мең бармы соң? Быел күпме аласың?
– Юк.
– Ничә, 70? – дип төпченә Олеся.
– Син мине шулкадәр түбән бәялисеңме? 100 меңгә генә җырламыйм инде. Акчасын бит аның халык түләми, чакырган кеше түли. 300 дән күбрәк 400 меңнән әзрәк.
– О, менә монысы инде әйбәт!
 

Илнат Фәрхуллин:
– Минем аерым бер бәя юк. 15 мең дип язып куй.
– Нинди 15 мең, әкият сөйләмә инде. Әйдә, мин белергә тырышып карыйм, син әйтәсең – 400 мең бармы?
– Юк-юк.
– 300 мең?
– Юк… Мин тулы команда белән киләм, 11 кеше 300-350 мең, – ди аннары Илнат.
– Менә бит, әйбәт.

Илмира Нәгыймова “калганнар дөресен әйтәме әллә?” дип аптырый.
– Минем 250 мең.
– Бөтенесе тарта-суза, әйтмим дигән була, син шунда ук әйттең. Текә.
– Миллион алучылар да бармы?
– Элвин Грей миллиондыр мөгаен, белмим…

Марат Яруллинның абыйсы Ринат:
– Чакырасызмы Сабантуйга? 1 миллион!
– Шулай укмы?
– Әлбәттә!

Илсөя Бәдретдинова:
– Сорыйлар да, о менә миллионга чыгыш ясаган икән дип язып куялар. Аның күпме чыгым икәнен аңламыйлар.
– Иң зур нинди суммага чыгыш ясаганыгыз бар? – дип сорый Олеся.
– Төрлечә бар. 1 миллионга кадәр. Әмма миллион дигәч, сез бүтәнчә китереп чыгарырга мөмкинсез. Аппаратура кергән. Үзе генә дә 250 мең тора. Экран да шулай ук. 200-250 мең тирәсе. 15 кешегә хезмәт хакы түләргә кирәк. Барысын да минусуйте, Илсөя Бәдретдиновага күпме калганын күз алдына китерегез.

Гүзәл Уразова:
– Синең кәмитләреңне карап барам мин, булмаган җирдән дә уйлап чыгара бу бала дип… Мин бит үзем шөгыльләнмим андый сораулар белән.
Олесядан сорау: – Миллионга чыгыш ясаган бармы?
– Булгандыр инде. Әмма Сабан туенда түгел.

Ринат Рахматуллин:
– Ринат абый, сәлам. Ничек анда, яңгыр туктыймы инде? (Ринат Рахматуллинның “Тукта, яңгыр” хитына төрттереп әйтүе).
– Белмим инде, җырлап карарга җыенабыз.
– Шәхси тормыш ничек?
– Менә Динара белән ашап утырабыз. Сабан туена 150-250 мең.
– Әйбәт икән. Ипигә җитәме?
– Әйе.
– Син шунда ук бәясен әйттең…
Шулай дигәч, Ринат Рахматуллин бәясен әйтмәгән җырчыларны сүгеп ташлый.

ЧЫГАНАК: tatar-today.ru сайтыннан

 https://shahrichalli.ru