Исерек хәлдә рульгә утырган лениногорскиның аклануы барып чыкмаган

Суд каршына килеп баскач, автомобиль белән исерек килеш идарә итүче шулай җаваплылыктан качарга тырышып караган.

Әмма аңа карата төзелгән протоколда  шоферның гаебе турында бәхәссез дәлилләр китерелгән. Алкотектор приборын тикшерү һәм күрсәтү турындагы беркетмәләр ир-атның канында тоткарлау вакытында аклкоголь эзләре булуын күрсәткән. 

Тоткарланган вакытта ир-ат юл иминлеге хезмәткәренә үзе аңлатма биргән һәм документ аның сүзләре буенча төзелгән, шофер анда  үз имзасын да куйган. Суд каршында акланрга тырышуы бернинди нәтиҗәләр дә бирмәгән, ир-атка гаебен танып, язмышы белән килешергә генә калган.

Лениногорск суды 48 яшьлек җирле кешене ел ярымга йөртү хокукыннан мәхрүм итте һәм 45 мең сум штрафка тартты.

Карар законлы көченә кермәгән, хокукларыннан мәхрүм ителүче 10 көн эчендә шикаять белдерә ала.