Эш судка җибәрелгән.
Лениногорск дәүләт автоинспекциясе хезмәткәрләре рейд вакытында шәһәрнең Ленинград урамында “ВАЗ 2114” машинасын туктата.
Автомобильнең йөртүчесе – 1986 елгы ир-егет. Шоферда исереклек билгеләре ап-ачык күренеп торган. Автоинспекторлар алкотектор белән тикшереп карагач, аның күрсәткече 0,770 мг/л була.
Шофер элегрәк тә исерү халәтендә транспорт чарасы белән идарә иткән өчен хөкем ителгән булган. Ул чакта 2 елга машина белән идарә итү хокукыннан мәхрүм ителә.
Машинаны махсус тукталышка алып китәләр, ә шоферга суд каршында җавап бирәсе була.
Нет комментариев