ЮЛ ИМИНЛЕГЕ
Лениногорск суды 22 яшьлек егетне хөкем итте
Лениногорскида 22 яшьлек егетне ГАИ хезмәткәрләре исерек хәлдә машина йөрткән өчен кабат тоткарлый.
Суд материалларыннан күренгәнчә, ГАИ хезмәткәрләре инде таныш булган «Cherry Tiggo» машинасын Лениногорскиның Октябрьская урамында кабат туктаткан. Шофер егет медицина тикшерүе үтәргә каршы килгән. Билгеле, ул салмыш хәлдә булган.
Гаепләнүче әйтүенчә, ул машина әнисенеке. Һәм ул аны сорамыйча алган. Судта гаебен таныган. Шулай итеп, гаепләнүче машина йөртү таныклыгын ике елдан соң гына кире кайтара алачак.
Фото: Лениногорск-информ
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев