Лениногорскида юл иминлеге сагында торучылар шоферларны әңгәмәгә җыйды
Чараның максаты – шәһәр һәм район территориясендә, машина йөртүчеләр тарафыннан юл-транспорт хәрәкәте куркынычсызлыгының дәрәҗәсен күтәрү иде.
Лениногорск районы буенча дәүләт автоинспециясе башлыгы Елена Никитина һәм юл хәрәкәте куркынычсызлыгы дәүләт учреждениесе җитәкчесе Зөлфия Рахманова газ хезмәте оешмасында эшләүче машина йөртүчеләр белән профилактик әңгәмә үткәрделәр.
Профилактик әңгәмә вакытында, Горгаз оешмасының хезмәт күрсәтү территориясендә юл-транспорт һәлакәте очракларына бәйле мәгълүмат җиткерелде. Автотранспорт йөртүчеләр тарафыннан еш кына юл хәрәкәте кагыйдәләрен бозу очракларына аерым тукталдылар.
Кайсыбер еш кабатлана торган юл-транспорт һәлакәтләренең сәбәпләрен ачыкладылар. Елена Ниитина тизлек режимын үтәргә кирәклеген һәм транспорт чарасы белән исерек хәлдә идарә итүне булдырмау турында искәртте, шулай ук яктылык кайтаручы жилетлар кулланырга кирәклеген ассызыклады.
Әңгәмә кысаларында юл хәрәкәте куркынычсызлыгы дәүләт учреждениесе җитәкчесе, катлаулы һава шартларында: томан, кар рәвешендәге мул явым-төшемнәр, бозлавык күренешләре барлыкка килгәндә, шулай ук күз күреме җитәрлек булмаган очракларда транспорт чараларын эксплуатацияләү үзенчәлекләренә зур игътибар бирде. Ул юл хәрәкәте кагыйдәләрен бозмаска, катлаулы һава шартларын даими күз алдында тотарга өндәде.
Исламия Галимова
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев