Лениногорскида полиция хезмәткәрен бәрдергән BMW йөртүчесен тоткарлаганнар

Татарстан  Эчке эшләр министрлыгы матбугат хезмәте хәбәр итүенчә, Лениногорск  ГАИ хезмәткәрләре дежур  торганда, Нагорная урамы белән Набережная урамы чатында, BMW машинасына  игътибар иткәннәр һәм аңа туктарга сигнал биргәннәр, әмма машина йөртүче тизлеген кискен арттырган һәм инспекторларның берсен автомобиль капотында алып киткән. Шуннан соң ул машинасын яшергән һәм хокук сакчыларыннан качарга тырышкан

Тәртип бозучыны, Корчагин урамындагы гаражлар янында тоткарладылар. Ул 31 яшьлек ир кеше булып чыга. Ир-атның тышкы кыяфәтенә игътибар итеп, инспекторлар аны исерек дип шикләнгәннәр, әмма шофер медицина тикшерүен узудан баш тарткан. Яшерелгән машинаны Җиңүнең 50 еллыгы урамында соңрак тапканнар.

Ир-ат шоферга карата 6 беркетмә төзегәннәр, шулай ук 5 тәүлеккә кулга алу билгеләгәннәр. Полицейскийгны бәрдерү турындагы мәгълүмат җинаять эше кузгату өчен тикшерү органнарына җибәрелгән.

Татар-информ мәгълүматы буенча.

фото:  МВД по РТ