Бер ирне үтергән әлмәтле ханым өстеннән суд процессы башланды.

Тикшерү материаллары буенча, 11 гыйнварда 44 яшьлек ханым бер танышының туган көненә килә. Ир инде исерек хәлдә була. Табын артында алар арасында низаг башлана. Ханым үзенә һөҗүм иткән ирдән саклану өчен кулына пычак алырга мәҗбүр була. Ирнең үлгәнлеген аңлап алгач, ханым гәүдәне балконга сөйрәп чыгара һәм 10 көн мәет белән бер фатирда яши. Ул бу фатирның бер бүлмәсен арендалап яши торган була. Соңрак күршеләре полиция чакырталар.