Лениногорскиның “Беркут” хоккей командасы III урынны яулады

Үткән атнада Әлмәт шәһәренең "Юбилейный" спорт сараенда авыл яшьләре хоккей клублары арасында "Нефтяник" хоккей клубы Кубогына ярыш тәмамланды.

Безнең шәһәрнең данын Иске Шөгер авылыннан "Беркут" командасы яклады. Алар 3:1 счет белән III урынны яулады. Аларга истәлекле бүләкләр, медаль һәм бүләк алу өчен сертификат тапшырылды.

Шулай ук, иң яхшы уенчыны да билгеләп үттеләр. "Беркут" командасында уйнаучы Руслан Гафиятуллин иң яхшы уйнаучы дип табылды. Безнең хоккейчыларны чын күңелдән котлыйбыз һәм киләчәктә дә уңышлар телибез.

http://len-journal.ru/