Лениногорскида Җирле үзидарә көнен билгеләп үттеләр (ФОТОЛАР)

Шәһәрнең Мәдәният сараенда Җирле үзидарә көнен билгеләп үттеләр. Әлеге чара районда беренче тапкыр оештырылуы белән үзенчәлекле булды. Киләчәктә дә традициягә кереп китәр дип ышанасы килә.

Мәдәният сараена әлеге тармакта эшләүчеләр җыелды. Аларны бәйрәм белән район башлыгы Рәгать Хөсәенов, Татарстан Дәүләт Советы депутаты Ринат Шәфигуллин котлады. Тырышып эшләгән, җирле үзидарә үсешенә өлеш керткән хезмәткәрләрне тәбрикләделәр.

Мәдәният сарае иҗат коллективлары, җырчылары чыгышы килгән халыкны ял иттерде, бәйрәм кәефе бүләк итте.