Лениногорск укытучылары “Ел укытучысы” конкурсының зональ этабында катнашты
Татарстанда “Ел укытучысы”конкурсының зональ этаплары башланды. Безнең укытучылар Бөгелмәдә көч сынашып кайтты.
Анда лениногорскилылардан тыш, Бөгелмә, Азнакай, Әлмәт, Баулы, Ютазы педагоглары, барлыгы 16 конкурсант иде.
Конкурс ике номинация буенча узды: “Укытучы-мастер” һәм “Педагогик дебют”.
Зональ этапта Лениногорск данын 12нче лицей укытучысы Ирина Клещевникова, 10нчы мәктәптән Ленар Халиков һәм 1нче мәктәп укытучысы Карина Магомедова яклады.
Конкурс барышында алар дәрескә үзанализ ясадылар, мастер-класслар күрсәттеләр, уңышлы чыгыш ясап кайттылар.
Барлык зональ этаплар нәтиҗәләре буенча, 5 марттан соң “Ел укытучысы” конкурсының региональ этап катнашучылары билгеле булачак.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев