Лениногорскиның «Ак калфак» оешмасыннан Лилия ханым Бөтенроссия каз өмәсе фестивалендә призлы урынга лаек булды

Лениногорск шәһәренең "Ак калфак"оешмасының уңган хатын-кызы Лилия Афандиевага  Бөтендөнья татар конгрессы тарафыннан уздырыла торган "Каз өмәсе" фестивалендә катнашу бәхете елмайды, дип хәбәр итә Лениногорск "Ак калфак" оешмасы җитәкчесе Тәслимә Рафикова. 

Лилия ханым каз итеннән аш-су әзерләү номинациясендә катнашып,аның "Тутырган каз муены" диеп аталган видео язмасы жюри тарафыннан өченче урынга лаек диеп табылган. 

 "Лилиябез, син үзеңнең уңганлыгың, булганлыгың белән "Ак калфак" оешмасының, районыбызның данын күтәрәсең!  Котлыйбыз!!!"- дип хәбәр итә Тәслимә Рафикова. 

Бу хакта "Заман сулышы" газетының киләсе санында тулырак укый алырсыз.

фото: Л.Афандиева шәхси архивыннан