Таһир Шәмсуаров: Без дөньядан артта калыр идек, заман җиле җанга тулмаса

Якташ шагыйребез, Татарстан Язучылар берлеге әгъзасы Таһир Шәмсуаров «Заман сулышы» газетының 35 еллыгына шигъри күчтәнәч җибәрде. Шигырь газетта басылды. Менә монда да куярга булдык.

Искә төшерәбез, 1 июльдә газетыбызга 35 яшь булды. Газет турында УКЫРГА

"Заман сулышы"на утыз биш!

Һәр узган ел хәтер түрләрендә,
Сакланырга тиеш шул килеш.
Күңелләргә бәйрәм керде бүген
"Заман сулышы"на – утыз биш!

Талантларны табу җиңелмени,
Һәр язмада чорның язмышы.
Көнлек түгел, киләчәккә атлый
Туган якның шатлык-сагышы!

Һәр мөхәррир үткен каләм белән,
Киләчәккә салды сукмагын.
Шамил, Разим, Җәмит, Әсрарларның
Төпле киңәшләрен тоямын!

Без дөньядан артта калыр идек,
Заман җиле җанга тулмаса.
Чорны-чорга бәйли алмас идек
Фикердәшләр әгәр булмаса.

Һәр узган ел хәтер түрләрендә
Сакланырга тиеш шул килеш.
Бер горурлык бүген күңелләрдә:
"Заман сулышы"на –  35!

Таһир Шәмсуаров