Татарстанга кышкы чатнама суыклар килде
Татарстанда 8 һәм 9 гыйнвар көннәрендә һава температурасы төшә, дип хәбәр итә ТР Гидрометеорология һәм әйләнә-тирә мохитне күзәтү үзәге. Синоптиклар юлларда бозлавык саклануыннан кисәтә.
8 гыйнварда алмашынучан болытлы һава булачак, урыны белән бераз кар явачак. Көнчыгыштан салмак җил исәчәк. Төнлә һәм иртән температура -18..-23, аязганда -24..-29 градус булачак. Көндез -15..-20 градус фаразлана.
9 гыйнварда шулай ук алмашынучан болытлы һава көтелә, урыны белән бераз кар яварга мөмкин. Җил көньяк-көнчыгыштан исәчәк. Төнлә -18..-23, аязганда -24..-29, көндез -15..-20 градус салкын булачак.
Бу хакта тулырак: https://tatar-inform.tatar/news/2019/01/07/178377/
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев