Районда авыл хуҗалыгы техникалары кышкы саклауга куелды

Район хуҗалыкларында авыл хуҗалыгы техникаларын кышкы саклауга кую һәм машина-трактор паркларының техника ремонтлауга әзерлеге буенча конкурс узды.

Трактор-комбайннарның, шулай ук агрегатларның быелга эшләре тәмамланды. Киләсе язда ныклап эшкә керешер өчен аларны кыш көне саклауга кую һәм ремонтларга керешү кирәк. Республика авыл хуҗалыгы министры урынбасары Тәлгать Таһирҗанов рәислегендәге бер төркем комиссия хуҗалыкларда әлеге эшнең торышын күзәтеп, карап чыкканнан соң, иң яхшысы дип "Лениногорская агрофирмасы"ның Урдалы бүлекчәсе танылган. Икенче урында - "Сатурн-Урал" хуҗалыгы.