Таһир Шәмсуаров Илһам Шакировка багышлап шигырь язган

Кышкы буран тынып калды,
Борчулар йөздә.
Күз яшен тыю мөмкинме,
Югалту бездә!

Нинди дарулар табырга
Сагыш басарга.
Үлемсез җыр  юл алачак
Килер  гасырга.

Әдрән диңгезләргә безне
Кем  алып барыр?
Йокымсораган милләтне
Кемнәр уятыр?!

Һәр җырына милләтенең
Язмышын  салды.
Сәхнәгә чыкса сандугач
Тукталып калды.

Ул көйләгән милли җырлар
Биләде шундук.
Моң бары татарда гына
Тәрҗемәсе юк.

Бөек Илһамны югалту
Бәгырьгә үтә.
Тукай, Илһамлы халыкны
Мәңгелек көтә!

16.01.2019