Гөлсирин Абдуллина: «Бер дә сиздермәдең бит, Азатым»
Гөлсирингә Азат тәкъдим ясавы турында язган идек инде, бу хакта инстаграмда да күп кеше язып чыкты, ләкин Гөлсирин бу хәл турында берни язмады.
Һәм менә бүген ул үзенең хис-кичерешләрен пост итеп язды. «Әле һаман да аңлап бетерә алмыйм. Уяндым, бармагымда ‒ йөзек. Сөенечтән тамагыма төер тыгыла, елыйсым килә. Бер дә сиздермәдең бит, Азатым, барысын да уйлап бетергәнсең. Мин сине яратам. Рәхмәт барыгызга да ихлас теләкләрегез өчен», дип яза ул.
Гөлсириннең үзе өчен дә бу яңалык булган икән, Азатның тәкъдим ясаячагы турында ул гына белми калган. Сәхнә артында төшерелгән видеода бу ачык күренә.
Автор: Г.Хәлиуллина
http://sahne.ru
Фото: Инстаграм
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев