ФАҖИГА
Лениногорскида бәйрәм табыны ахыры күңелсез тәмамланган
7 гыйнвар көнне үзәк район хастаханәсенә корсагына пычак белән яралаган хәлдә 47 яшьлек Лениногорск кешесен китерәләр. Бу хакта республика эчке эшләр министрлыгы хәбәр итә.
Гаепләнүче тиз арада полициянең участок уполномоченные тарафыннан тотыла. Ул элек тә хөкем ителгән, эшләмәүче, 31 яшьлек ир-ат булып чыга.
Алар икәү – зыян күргән кеше белән спиртлы эчемлекләр эчеп утырганнар. Шул вакытта арада бәхәс чыга һәм гаепләнүче танышына җәрәхәтләр ясый.
Әлеге факт буенча җинаять эше кузгатылган.
фото:pixabay.com
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев