БАКЧА ҖИЛӘГЕННӘН КАЙНАТМА
Бакча җиләгеннән әзерләнгән кайнатманы кайсыбыз гына яратмый икән? Без дә сезгә гади рецепт тәкъдим итәргә булдык.
Кайнатма өчен: 1 кг җиләк, 1,3 шикәр комы.
Өлгергән җиләкләрне чистартырга һәм юарга, өстенә шикәр комы салырга, тастымал белән каплап бүлмә температурасында берничә сәгать тотарга.
Җиләкләрнең согы чыккач кайнатып чыгарырга, өстенә җыелган күбекне алырга һәм сүндереп, 10-15 минут суынганын көтәргә. Тагын ике тапкыр кайнатып чыгарырга, өстен җыярга һәм стерилизацияләнгән банкаларга тутырып, тимер капкач белән ябып куярга.
Банкадагы кайнатма суынып беткәч кышка сакларга алып куярга мөмкин. Кышын чәйгә салырга, коймакка ягарга, пироглар эчлеге өчен бик уңайлы һәм тәмле булачак.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев