Заман сулышы

Коткаручылар 83 яшьлек лениногорскилыга ярдәмгә килгәннәр

Коткаручылар 83 яшьлек лениногорскилыга ярдәмгә килгәннәр, ул ванна бүлмәсендә егылган, аның кулы стена белән торба арасында кысылып калган. Бу хакта “Татар информ” агентлыгы яза, Татарстан Гадәттән тыш хәлләр министрлыгы матбугат хезмәтендә әйткәннәр.

 


“Бер көн элек 112 бердәм коткару телефонына Садриев урамындагы 60 нчы йортның бер фатирында бер әбинең ванна бүлмәсендә егылганы турында хәбәр килә”, - ди МЧС хезмәткәрләре.

Хәбәр булган урынга 7нче коткару-эзләү зональ отряды килә. Аларны әбинең кызы каршы ала. Ванна бүлмәсендә әбинең кулы стена белән торба арасында кысылган була.
Коткаручылар монтировка ярдәмендә торбаны турайталар. Медицина ярдәме кирәк булмый.

https://www.tatar-inform.ru/news/2019/08/09/659081/

 

 

Нравится
Поделиться:
Реклама
Комментарии (0)
Осталось символов: