Лениногорск укучылары ЗАГСта экскурсиядә булды

Очрашуның темасы - яшь гаиләләрдәге проблемалар, тулы булмаган гаиләләр һәм аерылышу очраклары иде. Бүлек җитәкчесе Елена Миннигаләмова гаиләдә бер-береңә булган мөнәсәбәтләрне, яшьләрнең бала табуга карашын пропагандалауның ни дәрәҗәдә мөһим икәнлеген искәртеп узды, чөнки кешегә һәм әйләнә-тирәгә мөнәсәбәт нәкъ менә шул гаиләдә генә тәрбияләнә.

Очрашу диалог формасында узды, укучыларның барысы да әңгәмәдә бик актив катнашты. Ахырда кунаклар бүлек хезмәткәрләренә мондый очрашуларның кабат булуына өмет итеп, рәхмәт сүзләрен җиткерделәр.

Лениногорск ЗАГС бүлеге

фото ЗАГС тарафыннан бирелде