Лениногорскилылар тавыш бирүдә актив катнаша (фотолар)

Лениногорск шәһәрендә - 23, районда 32 сайлау комиссиясе эшли.

1808нче номерлы сайлау участогы иртәнге сигездә эшен башлый. Ул 4нче мәктәптә урнашкан. Бирегә килүчеләр тыныч обстановкада тавыш бирә. Халык күпләп җыелып тормый. Барлык куркынычсызлык чаралары үтәлә. Комиссиядәгеләр ашыкмыйча, җаваплы карап эшен башкара.

Григорьевлар гаиләсе 1 июльне көтеп тормаган, алдан тавыш бирергә уйлаганнар. Рузилә ире Денис белән килгән.

-    Барысы да яхшы оештырылган. Үз вакытыбыз белән килдек тә сайлап китәбез менә. Халык күп түгел, ыгы-зыгы юк. Участокта тиешле куркынычсызлык нормалары саклана, - ди Рузилә Григорьева.

Гөлназ Хәйретдинова
Автор фотолары