Путинның күпме хезмәт хакы алуы билгеле булды

Иң күп хезмәт хакы алучы лидерлар рейтингында Владимир Путин 9 нчы урынны биләгән. Франциядә чыгучы Les Echos вакытлы матбугатына нигезләнеп, бу хәбәрне RNS яза.

Бер еллык хезмәт хакы Владимир Путинның 136 000 долларны тәшкил итә икән. Аннан аз гына - 125 000 долларны Италия премьеры Маттео Ренци ала. АКШ президенты Барак Обаманыкы исә 400 000 доллар булган! Германия канцлеры Ангела Меркель 234 000 доллар алып, рейтингның өченче урынын биләгән.