Заман сулышы

Роспотребнадзор караклыкның яңа төре турында кисәтә

Роспотребнадзор мошенниклыкның яңа төре турында кисәтә. Бу хакта РИА Новости хәбәр итә.

 

Гражданнар почта аша Кулланучылар хокукларын яклау һәм кеше иминлеге өлкәсендә күзәтчелек федераль хезмәте тарафыннан чыгарылган карар ала, анда административ җәза билгеләү һәм штраф түләү таләбе турында әйтелә. Бу хакта ведомство сайтында хәбәр ителә.

"Россия почтасы" ярдәмендә гражданнар һәм юридик затлар административ җәза билгеләү турында карарлар ала. Янәсе, Роспотребнадзорның территориаль органнары тарафыннан административ штраф түләү турында карар чыгарылган һәм түләргә кирәк. Шул ук вакытта административ штраф түләү өчен реквизитлар Роспотребнадзор территориаль органы реквизитларына туры килми", - диелә хәбәрдә.

Реклама

Әгәр чынлап та административ җәза билгеләнсә, карарда Россия Федераль казначылыгының территориаль органында аның счеты күрсәтелергә тиеш, башка юридик зат түләүне ала алмый, дип искәрттеләр.

"Административ штраф түләү турындагы таләпнең дөреслегенә шикләнгән очракта, Роспотребнадзорның тиешле территориаль органына мөрәҗәгать итәргә кирәк", - диелә материалда.

https://tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: