Салават Лениногорск тамашачысына: Сезнең кебек хөрмәтләүчеләр сирәк
Җырчы Салават Лениногорск Мәдәният сараенда концерт куйды. Зал тамашачы белән шыгрым тулы иде.
Концерт мәгънәле дә, уйландыра торган да. Салават Фәтхетдинов татар эстрадасында үзенчәлекле артист. Концертта шулай ук Фирзәр Мортазин, Закир Шаһбан катнашты.
Соңыннан тамашачы Салаватка рәхмәтен җиткерде. Шәһәр башлыгы урынбасары Гөлфирә Рафикова, Лениногорскиның "Ак калфак" оешмасы белән берлектә сәхнәгә менеп, рәхмәт сүзләре әйтте. Чәчәк букеты тапшырды. "Ак калфак" оешмасы җитәкчесе Тәслимә Рафикова да бик матур сүзләр әйтте. Әлбәттә, җырчының күңеле булды. "Рәхмәт сезгә. Тамашачыларны аерырга ярамый, әмма сезнең кебек хөрмәтләүчеләр сирәк", - диде ул.
Розалия Мостафина
Автор фотолары
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев