Заман сулышы

Ташламалы ипотека буенча беренче взносны 15 процентка кадәр киметтеләр

Премьер-министр Михаил Мишустин ташламалы ипотека буенча беренчел кертемне 20дән 15 процентка кадәр киметү турында карар имзалады. Бу хакта РИА Новости хәбәр итә.

 

Мишустин сүзләренә караганда, шул рәвешле 1 ноябрьгә кадәр кредит алу өчен кирәкле сумманы җыярга өлгермәгән заемчыларны программага җәлеп итәргә мөмкин булачак.

«Тагын ике программада катнашучылар өчен шундый ук мөмкинлек барлыкка киләчәк: балалы гаиләләр өчен ташламалы ипотека һәм Ерак Көнчыгыш ипотекасы», — диде Хөкүмәт рәисе вице-премьерлар белән узган киңәшмәдә.

Реклама

Апрель ахырында Владимир Путин кушуы буенча, 6,5 процент ташламалы ипотека программасын башлап җибәрделәр. Аның нигезендә, агымдагы елның ноябренә кадәр, Россиянең барлык төбәкләрендә алты миллион сумга кадәр, Мәскәүдә һәм Санкт-Петербургта 12 миллион сумга кадәр яңа төзелештән торак сатып алу өчен кредит алырга мөмкин. Дәүләт субсидияли торган 6,5 процентлы ставка банк белән килешү срогы дәвамында (30 елга кадәр) гамәлдә булачак.

 

 https://tatar-inform.tatar/news/business/03-08-2020/mishustin-tashlamaly-ipoteka-buencha-berenche-vznosny-15-protsentka-kad-r-kimette-5760873

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: