ТР сәламәтлек саклау министрлыгы: Кабул итү бүлмәсенә мөрәҗәгать итүчеләрнең 90 проценты «кирәк була калса» дип кенә килгән

Ул поликлиникалар планлы эшләмәгән вакытта кичектергесез хәлләр буенча мөрәҗәгатьләр саны кинәт кимеде, дип сөйләде.

7 нче шәһәр хастаханәсе һәм ДРКБ кабул итү бүлмәләренә мөрәҗәгатьләрнең 90% ы "кирәк була калса дип" кенә килүчеләр, әлегә поликлиникалар план буенча кабул итү өчен ябык булган. Бу хакта ТР сәламәтлек саклау министры Марат Садыйков туры эфирда әйтте. "Элек кабул итү бүлмәләренә 7нче шәһәр хастаханәсенә, ДРКБ уртача тәүлегенә 340 – 350 кеше мөрәҗәгать иткән. Гәрчә аларның 50%тан артыгы госпитализациядән баш тарткан, – дип белдерде Садыйков. – Бу чорда кабул итү бүлмәсенә мөрәҗәгать итүләрнең 80-90% ы кирәк була калса дип кенә булды".

Бу күрсәткечне Татарстан Республикасы Сәламәтлек саклау министрлыгында анализлаячаклар, һәм киләчәктә республикада медицина ярдәме күрсәтү системасы үзгәрергә мөмкин. Поликлиникага үз-үзен изоляцияләү вакытында кичектергесез хәлләр буенча мөрәҗәгатьләр булмады диярлек, дип билгеләде Садыйков.

  Хәзер Татарстанда поликлиникалар эшен яңадан башлап җибәрделәр. "Төп агым нигездә иртәнге 8 дән 11 гә кадәр аралыкта. Төштән соң ташкын юк, барысы да тыныч. Әмма без эпидемиологик чараларны үтәргә тиеш: битлек режимы, перчаткалар һәм, әлбәттә, дистанцияне", – дип искәртте Сәламәтлек саклау министрлыгы

http://bugulma-tat.ru