Югалган туристның кулы акула эченнән килеп чыккан

Франциянең Реюньон утравы янында югалган турист Ричард Мартин Тернерның никах балдагы киелгән кулы акула эчендә табылган.

Хатыны Верити Тернер белән ял итәргә килгән ир 2 ноябрьдә «хәвефсез зона»да битлек һәм трубка киеп йөзгән. Әмма ул кинәт юкка чыга, ә хатыны, чарасызлыктан, эзтабарлар экспедициясе оештыра.

Берничә көннән соң тотылган акулада Тернерның кулын табалар. ДНК-тест кулның аныкы булуын раслаган. Акула вак сулыкта йөзгәнме, әллә ирне дулкын ачык диңгезгә алып китеп, анда аңа акула һөҗүм иткәнме, билгесез.

Сүз уңаеннан: соңгы өч елда Реюньон яр буйларында акулалар һөҗүме нәтиҗәсендә 11 кеше үлгән.

Фото: pixabay.com
https://kiziltan.rbsmi.ru

http://almet-rt.ru/news/mgyyat/yugalgan-turistny-kuly-akula-echennn-kilep-chykkan