Наркотиклар белән мавыккан лениногорскилы судта гаебен таныган

Зур күләмдә марихуана сатып алган  һәм  аны  үзендә саклаган ир кешегә карата  өчен хөкем карары чыгарылды.
Җинаять эше материалларыннан күренгәнчә, узган елның декабрендә лениногорскилы телефон аша үзенең танышы белән наркотик чара сатып алу турында килешкән. 

Алар алдан сөйләшенгәнчә, чит бер торак йорт ишегалдында очрашканнар, лениногорскилы  үзенең танышыннан 4 төргәк марихуана  сатып алган һәм наркотиклар өчен 3600 сум акча  түләгән.

Әмма  аны шул ук көнне полиция хезмәткәрләре тоткарлаган.  Билгеле инде сатып алынган  товардан колак кагарга туры килгән.  Полиция хезмәткәрләре тоткарланучының  11 граммнан артыграк  марихуана сатып алганлыгын ачыклаганнар.

Судта ир кеше  үз гаебен таныган, наркотик матдәне  сату яки башкаларга тарату  уе булмаганлыгын, бары тик үзе өчен генә булуы турында әйткән.  Хокук сагында торучылар тарафыннан аңа 20 мең сум штраф рәвешендә җәза бирелгән.