Минтимер Шәймиев Казанга «Хезмәт батырлыгы шәһәре» исемен бирү тәкъдимен хуплады
Татарстанның беренче Президенты, Татарстан Дәүләт Киңәшчесе Минтимер Шәймиев Казанга «Хезмәт батырлыгы шәһәре» исеме бирү турындагы тәкъдимне хуплады. Бу хакта мэриядә узган онлайн-брифингта Татарстан башкаласының башкарма комитеты аппараты җитәкчесе Евгений Варакин хәбәр итте.
«Мактаулы исем бирү турында бик күп тәкъдимнәр килде һәм беренче чиратта алар Казанда һәм Татарстан Республикасында яшәүче битараф булмаган кешеләр тарафыннан иде», — диде ул.
«Бу инициативаны „Татарстан Геройлары“ иҗтимагый оешмасы белдерде», — дип тә өстәде. Советлар Союзы Герое Борис Кириллович Кузнецов, РФ Герое Газинур Гарифҗанович Хәйруллин, Социалистик хезмәт герое Мостюков Илдус Шәйхелисламович, Россия Хезмәт герое, Татарстанның беренче Президенты, ТР Дәүләт киңәшчесе Минтимер Шәрипович Шәймиев имза куйган.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев