Лениногорскиның “Теннис Холл” үзәгендә спорт бәйрәме

Күптән түгел шәһәребезнең "Теннис Холл" үзәгендә теннис белән шөгыльләнүче балалар арасында "Яңа ел экспрессы" спорт бәйрәме узды.

Ул "Теннис Холл"да беренче тапкыр үткәрелде. Уен ике кортта берьюлы барды. Беренчесендә 5-8 яшьлек балалар, икенчесендә 9 яшьтән зуррак балалар командасы ярышты. Спорт бәйрәме әкият персонажлары - Кыш бабай һәм Кар кызы катнашында күңелле үтте.

Төрле номинацияләр буенча балалар татлы призга ия булды.

Ахырдан, Кыш бабай белән Кар кызы балаларны зур торт белән сыйлады. Ул теннис корты формасында пешерелгән иде,- дип хәбәр итте шәһәребезнең "Теннис Холл" үзәге.