Ял көне җитә – көн суыта

Быелгы җәй салкын килде әле, кызу көннәрне юньләп күргән дә юк. Су коенырлык эссе көн булмады да диярлек. Бу атна башында, ниһаять, җылылар килде дип шатланган идек, иртәрәк булган икән. Җомга көнне тагын суытып җибәрде, әллә нинди салкын җилләр исә. Синоптиклар фаразлавы буенча бу ял көннәре салкын булачак. 19ы - шимбә, 20 се - якшәмбе көнне көндезге температура - 14 , төнлә белән 7-8 градустан артмас, диләр. Шуның өстенә яңгыр, төньяктан салкын җил вәгъдә итәләр. Балалар белән тагын өйдә утырырга кала инде.