Бургерларда антибиотик булуы хакмы?

Русиянең иң популяр рестораннарыннан 11 сэднвичка тикшерү үткәргәннәр. Анализ нәтиҗәләре буенча, “Black Star Burger” ресторанындагы “Классика” бургеры иң калорияле булса, иң аз калориялесе “KFC”дагы “Шефбургер” дип табылган.
Белгечләр бургерларның нәрсәдән торуын да ачыклаган. Иң зур кәтлит - “KFC”дагы “Шефбургер”да, иң бәләкәе “McDonalds”тан сатып алынган “Биг Мак”та булган.
Шунысы да мөһим: бургерлар өчен тәгаенләнгән булкаларда комплекслы тәмләткечләр — броматлар яисә семикарбазидлар табылмаган, тик бу төр ризыкларның барысында да тозның артык күп булуы ачыкланган.
Сэндвичлар, шулай ук, антибиотик барлыгы-юклыгына да тикшерү үткән. Анализ күрсәтүенчә, барлык бургерларда да андый матдәләрнең эзе барлыгы сизелә, тик алар бик аз күләмдә, нормадан артмаган.

https://kiziltan.rbsmi.ru

фото:pixabay.com