Дәүләт Думасы минималь хезмәт хакын яшәү минимумына кадәр күтәрде

Дәүләт Думасы бертавыштан хезмәткә түләүнең минималь күләмен яшәү минимумына кадәр арттыру турындагы законны хуплады. Бу хакта ТАСС хәбәр итә.

Яңа елдан минималь хезмәт хакы 117 сумга артачак һәм 11 мең 280 сум тәшкил итәчәк.

Минималь хезмәт хакы узган елның II кварталы өчен яшәү минимумына туры килергә тиеш дигән таләп 2017 елның ахырында кабул ителгән Тиешле Федераль законда бар.

Бу хакта тулырак: https://tatar-inform.tatar/news/2018/12/12/176881/

фото:/pixabay.com