“Иң яхшы мәктәп китапханәсе – 2015” бәйгесенең финалына Лениногорскиныкы да кергән

Белем бирү оешмаларының иң яхшы китапханәләрен барлау һәм аларның эш тәҗрибәсен өйрәнү максатыннан, агымдагы елның 25 августыннан 25 октябренә кадәр "Иң яхшы мәктәп китапханәсе - 2015" республика бәйгесе үткәрелә, дип хәбәр итә мәгариф һәм фән министрлыгы сайты.

5 октябрьдә республика бәйгесенең читтән торып үткәрелгән беренче этабы төгәлләнде. Анда муниципаль турда җиңгән 22 - шәһәр һәм 39 авыл җирлегендә урнашкан белем бирү оешмалары китапханәләре катнашты.
Тапшырылган материалларны экспертларның тикшерү нәтиҗәләре буенча Оештыру комитеты республика бәйгесенең икенче этабы - финал ярышларында катнашачак 10 шәһәр һәм 10 авыл мәктәбе китапханәсен билгеләде. Шәһәр китапханәләре арасында 2нче мәктәп китапханәсе дә бар. Китапханәчесе - Светлана Гыйльметдиновна Вәлиева.