Куакбаш авылында капиталь ремонттан соң клуб ачылды (ФОТОЛАР)

Куакбашлыларның шатлыгын уртаклашырга район башлыгы Рәгать Хөсәенов килде. Тантаналы ачылуда авыл халкы күпләп катнашты.

Клуб капиталь ремонттан соң бик матураеп киткән. Сәхнә өлеше тагын да сокландыргыч, ямьле. Элеккеге караңгы стеналарны танырлык та түгел.

Рәгать Хөсәенов төзүче оешмага рәхмәтен белдерде. Эшләрне “Стройснаб” җәмгыяте башкарган.

Авыл башлыгы Рушания Әхмәтҗанова авылдагы үзгәрешләргә сөенә. “Яңа ФАПлы булдык, узган ел сельсоветка капиталь ремонт булды. Инде клубны танымаслык итеп ясап куйдылар. Мәктәпкә дә капиталь ремонт үткәрелер дип ышанабыз”, ди ул.

Клуб ачылу турында тулырак “Заман сулышы” газетында  укыгыз.

Розалия Мостафина тексты һәм фотолары