Лениногорск янындагы трассада җиңел автомобиль тулысынча янып беткән

автор, 28 июль 2020 - 10:58

923

Лениногорск янындагы трассада җиңел автомобиль тулысынча янып беткән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

Лениногорск – Әлмәт автомобиль юлында — Воздвиженка торак пункты янында 7нче модельле «Жигули» автомобиле януы турындагы хәбәр кичә 14.25 сәгатьтә килгән. Урынга юл тоткан 11нче янгын-коткару часте хезмәткәрләре янгынны бик тиз сүндерсә дә, машинаны коткарып кала алмаган.

Янгынның мәйданы 3 квадрат метр тәшкил иткән. Автомобильгә машинаның механизмнары төзек булмау нәтиҗәсендә ут капкан дип фаразлана.

https://tatar-inform.tatar/