Лениногорскида чирттагы халык җыены узды (ФОТОлар)

Очрашуда җыелган халык үзләрен борчыган сорауларны шәһәр җитәкчелегенә, ООО  “Оникс”  директоры Риф Зыятдинов һәм полициянең участок уполномоченные Владимир Ваничевка юлладылар. Сораулар төрле иде:  капиталь ремонт, балалар мәйданчыклары торгызу, Тынлык турындагы законның үтәлмәве һәм башкалар. 
- Иртәгә бар да яхшы булачак, дип өметләндермим, халыкның һәр соравы, проблемасы контрольдә, без аларны чишү юлларын эзләячәкбез, - диде район  башлыгы урынбасары Сергей Тимаков.  
Җыенда  5 нче мәктәпнең укыту-тәрбия буенча директор урынбасары Людмила Зарубежная, 7нче ТОС рәисе урынбасары Зилә Мөдәрисова агымдагы елда башкарылган эшләр турында сөйләп узды.
ТОС тормышында активлык күрсәткән Татьяна Юшманова һәм Әлфия Ямалтдинова Рәхмәт хатларына ия булды.

Лиана Габидулина