Лениногорскилылар баш федераль инспекторга мөрәҗәгать итте

Кабул итүдә Татарстан прокуроры урынбасары Сергей Старостин, Россия Тикшерү комитетының Татарстан буенча тикшерү идарәсе җитәкчесе урынбасары Ильяс Мәсәлимов катнашты.

 Кабул итүгә 8 кеше язылган иде. Халык үзләрен борчыган сорауларын җиткерә алды. Арада законсыз рәвештә эштән азат итүгә, хезмәт хакы түләмәүгә, торак өчен акча средстволары түләмәүгә, шулай ук экология проблемаларына кагылышлы сораулар бар иде.

Баш федераль инспектор Ренат Тимерҗанов мөрәҗәгать итүчеләргә законга туры китереп, аңлатмалар бирде, проблемалы сорауларны хәл итү инспектор контроленә алынды. 

фото: http://leninogorsk.tatarstan.ru