Төнлә Татарстанда яңгыр, яшен һәм көчле җил булуы ихтимал

Бүген көндез һәм 4 июньдә төнлә Татарстан территориясендә кыска вакытлы яшенле яңгырлар көтелә. Урыны белән көчле яңгыр, боз явачак, җилнең тизлеге секундына 17-22 метрга кадәр көчәюе көтелә. Бу хакта Татарстан Гидрометеорология үзәге матбугат хезмәте хәбәр итә.

Төнлә минималь һава температурасы +6..+11 градус тәшкил итәчәк. Бу республикада һава торышының төньяк циклоны, шулай ук аның актив атмосфера фронтлары йогынтысында формалашуы белән бәйле.

4 июньдә төнлә һәм 5 июньдә көндез республика территориясенә көнбатыш антициклоны йогынты ясый. Шуңа бәйле рәвештә, явым-төшемнәр көтелми. Татарстанда һава температурасы көндез +16..+21 градус, ә төнлә +5..+10 градус булыр дип фаразлана.

5 июньдә көндез һәм киен республикада бераз яңгырлар явачак, яшен булуы ихтимал. Шулай ук җил тизлеге секундына 17 метрга кадәр җитүе көтелә. Көндез + 19..+24 градус, көнбатыш районнарда +27 градуска кадәр җылы булачак.
 

Бу хакта тулырак: https://tatar-inform.tatar/news/2019/06/03/187455/

Фото: архив