Аграр хуҗалык җитәкчеләре язгы чәчү планнарын тәкъдим иттеләр

Хуҗалыкларда язгы чәчүгә керешер алдыннан ел саен аграр хуҗалык җитәкчеләре язгы чәчү планнарын тәкъдим итәләр, район башлыгы белән киңәшләшәләр.

Язгы чәчү планнарын  “Август-Агро”, “Сатурн-Урал”, “Маркс” хуҗалыклары тәкъдим итте, калганнары соңрак. Район башлыгы Рәгать Хөсәенов белән авыл хуҗалыгы идарәсе начальнигы Ильнур Шәмарданов чәчүлек мәйданнарында минераль ашламалар куллану мөһимлеген искәрттеләр.

Шулай ук орлык фонды турында да сөйләштеләр.

Район  башлыгы Рәгать Хөсәенов билгеләп үткәнчә, иң беренче чиратта бөртекле культураларның чәчү мәйданнарын саклап калырга, мөмкинлек булса арттырырга да кирәк. Язгы кыр эшләрендә кадрлар белән тәэмин итүгә аерым игътибар бирергә, шулай ук техника куркынычсызлыгы һәм янгын куркынычсызлыгы беренче планда тору мөһим.

фото: https://leninogorsk.tatarstan.ru/index.htm/news/2062286.htm