Заман сулышы

Авыл халкын «Авылда үз эшеңне ач – кыю бул!» проектына чакыралар

Татарстанда Россия авыл яшьләре берлегенең «Авылда үз эшең — кыю бул!» проектын гамәлгә ашыра башладылар.

Ул авылда үз эшеңне ачу һәм авыл территорияләрен социаль яктан үстерүдә катнашу мөмкинлекләре турында авыл халкына мәгълүмат җиткерү максатыннан оештырыла. Бу турыда Татарстан Авыл хуҗалыгы һәм азык-төлек министрлыгының матбугат хезмәте хәбәр итте.

Россия авыл яшьләре берлеге проекты Татарстан Республикасы Авыл хуҗалыгы һәм азык-төлек министрлыгы белән берлектә уздырыла. Чарада мәгълүмати-консультацион очрашулар, һөнәри юнәлешләр, семинарлар/тренинглар, видеоконференцияләр һәм вебинарлар була.

Проект кысаларында һөнәри белем бирү оешмаларының һәм югары белем бирү оешмаларының авыл территорияләрендә эшкә урнашырга һәм практика (стажировка) узарга теләүче чыгарылыш укучыларын анкеталау һәм аларның реестрын булдыру алып барылачак.

Катнашучыларны Казан дәүләт аграр университеты һәм Н.Э.Бауман исемендәге Казан дәүләт ветеринария медицинасы академиясе укытучылары координацияли.

Реклама

Беренче чара Арча районында узачак.

 

https://tatar-inform.tatar/

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: