“Көне буе шунда булырга кирәк”

Хуҗалыкта терлекчелек фермасында кем йөри, кем көне-төне маллар янында? Әлбәттә, ферма мөдире. "Ленин" хуҗалыгында (Федотовка) ферма мөдире булып эшләүче Вера Ильина да һәрвакыт эш урынында. Ул үзе дә бу хакта: "Бөтен күңелеңне биреп эшләмәсәң, нәтиҗәсе булмаячак", ди. Аңа 64 яшь икән, ферма мөдире булып эшләвенә 16 еллап вакыт узганын үзе дә сизмичә калган. "Хәзер бик кызу эш вакыты: яфрак азык белән бергә печән әзерләргә, тюкларга. Маллар җәйге лагерьда, өч көтү", ди ул, эшләре белән таныштырып.