Лениногорск районы сыер савучысы республикакүләм сыер савучылар конкурсында катнаша
“Лениногорская агрофирмасы” җәмгыятеннән сыер савучы Дания Гарифуллина бу көннәрдә машина белән сыер саву мастерлары республикакүләм конкурсында катнаша.
Дания апа Гарифуллина авыл хуҗалыгы идарәсе белгече Люция Нуриева белән китте.
Конкурста 43 районнан вәкил катнаша. Конкурсның беренче көне Биектауның “Татарстан агрофирмасы” хуҗалыгында үтте. Сыер савучылар биредә теоретик һәм практик биремнәрне үтәделәр.
Бүген конкурсның икенче этабы. Ул Лаеш районында «Татарстанда кыр көне-2019» агросәнәгать күргәзмәсе кысаларында узачак.
Бүген бүләкләү тантанасы да булачак. Дания апага уңышлар телибез, яхшы хәбәрләр көтәбез.
Фотолар: Люция Нуриева
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев