Мул уңышка – нигез

---

Тырмалау буенча карасак, күпьеллык үләннәр - 6,2 мең гектар (56 процент), уҗым культуралары -1 мең гектар (9 процент), туңга сөрү җирләре- 3,1 мең гектар (6 процент) мәйданда башкарылган.

Арпа культурасын 7 мең 800 гектарда чәчү планлаштырылган, әлегә 1 мең 768 гектарда чәчелгән. Моны ике хуҗалык: "Лениногорская" агрофирмасы" һәм "Зеленогорский" комплексы башкара.

Эш барышын аерым хуҗалыклар мисалында карап китик. "Лениногорская" агрофирмасы" җәмгыяте алда бара. Монда күпьеллык үләннәрне тырмалау һәм тукландыру буенча эш 70 процентта үтәлгән. Туңга сөрү җирләрен тырмалау 1 мең 825 гектарда үтәлгән. "Сатурн-Урал" җәмгыятендә күпьеллык үләннәрне тырмалауны төгәлләгәннәр. "Маркс" хуҗалыгында бу эш барлык мәйданның 50 процентында үтәлгән, "Чулпан"да -95 процент, "Зеленогорский" комплексында 93 процент. Әлеге хуҗалыкта уҗым культураларын тукландыру эше дә 100 процент үтәлгән.

Бүген быелгы уңыш өчен 8 мең 524 тонна (физик авырлыкта) минераль ашламалар тупланган, бу 1 гектар чәчүлек җиренә 52,8 килограмм тәэсир итү көчендә булган (действующее вещество) ашлама туры килә дигән сүз.

Хуҗалыкларга язгы кыр эшләрен башкарып чыгу өчен ташламалы бәядән 1 мең 594 тонна ягулык-майлау материаллары каралган, шуның 583 тоннасына гына хуҗалыклар акча күчергән.

Һава торышы әлегә яхшы тора. Шуңа бер көннең ел туйдыруын истә тотып, барлык көчне туплап эшләргә генә. Тик әлегә "Родник", "Хәсәнов Х.Х.", "КФХ Хәйретдинов" хуҗалыклары кыр эшләренә керешмәгән.