Заман сулышы

Район авыл җирлекләрендә шәхси техникаларга техник күзәтү узды

Район авыл җирлекләрендә алдан билгеләнгән план буенча 6 майдан 16 майга кадәр физик затларның техникаларына техник күзәтү уздырылды, дип хәбәр итә Гостехнадзорның Лениногорск районы буенча баш инженер-инспекторы Илнур Галимов.


Әлеге күзәтүләр ел саен үткәрелә. Быел пандемиягә бәйле рәвештә, барлык санитар-эпидемиологик нормалар  сакланып уздырылган.
Илнур Галимов әйтүенчә, техник күзәтү барышында тракторчы-машинистның таныклыгы булу-булмау, агрегатларның документта күрсәтелгән номерлары туры килү, ОСАГО полисы булу-булмау тикшерелгән. Шулай ук әйләнә-тирәне саклауда техниканың халәтенә дә игътибар бирелгән.

Техник күзәтү узучы трактор хуҗаларына техник күзәтү узгач, таныклык бирелә, әгәр техниканың җитешсезлеге табыла икән, акт төзелеп, яңадан күзәтү узар өчен көн билгеләнә.

Илнур Галимов әйтүенчә, техник күзәтүгә зур активлык бирүче авыллар арасында Зәй-Каратай, Керкәле, Яңа Иштирәк, Түбән Чыршылы, Иске Куак, Урмышлы бар.

Реклама

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: